Bu analiz nədir?
Dəmir hemoqlobinin tərkibinə daxildir və oksigenin daşınmasında iştirak edir.
Niyə aparılır?
- Anemiyanın (qansızlığın) araşdırılması
- Davamlı yorğunluğun qiymətləndirilməsi
- Uşaqlarda inkişafın izlənməsi
Həkim bu analizi nə zaman təyin edə bilər?
Aşağıdakı şikayətlər zamanı bu analiz təyin oluna bilər:
- davamlı yorğunluq və halsızlıq
- solğunluq
- tez nəfəsdarlığı
- saç tökülməsi
- uşaqda iştahsızlıq və zəiflik
Nəticənin şərhi
Dəmir səviyyəsi gün ərzində dəyişir və son yeməkdən təsirlənir. Anemiyanın tam mənzərəsi üçün həkim qanın ümumi analizi ilə birlikdə qiymətləndirmə aparır.
Nəticənizin nə demək olduğunu yalnız sizi müayinə edən həkim — digər müayinələr və klinik vəziyyətinizlə birlikdə — qiymətləndirə bilər. Bu səhifədəki məlumat ümumi maarifləndirmə xarakteri daşıyır.